|
يا أگرب شبيه لطلعة المعصوم
راح الـلي عـليه انعقدت الامال بدر السعد راح ومن برجنه انشال * * * هيبتنه حسافه وتاجنه اعله الراس عـزَّم عالرحيل وسكتت الانفاس هـالصوره الشريفه والتحبها الناس طيبه مـن النبوَّه ومنبع الاحساس شـريان الگلـب والروح والدلال * * * راح اللي هضيله چان يملي الدار وتـعرض فكرته واخلاقه الانوار مـن زرتـه واجيت لبيتهم خطار ذكَّرني بعلي الاكبر وحامي الجار يتناثر ذهب لو حچه السانه وگال * * * آيـه بـالتواضع والـزهد هالجود يـااطيب مـلاك الـخالقه المعبود عـلَّمنه نصير لهالطريق اجنود گال الـدرب سـالك ابد مومسدود تـنتظره وتـريده لهالدرب اجيال * * * ذبـيح ابـن الذبيح لفكرته منذور شـايل خشبته فوگ الچتف ويدور كـبش الفدا صار لمبدأ المنصور احـاه يالعقيده شگد تضحِّي بدور چم فارس تضحِّي وفدت چم خيال * * * طاح الطود من عدنه حسافه وراح نـسمة هوه الروح وعنبره لفوَّاح يـاسيد رضا ولاگلب عگبه ارتاح يـاعامود هـيبة بـيتنه من طاح ويادمع الفراگ شگد صعب همال * * * يـاأگرب شـبيه لطلعة المعصوم مـن يگعـد يفيض بهيبته ويگوم مـرسوم بجبينه هالرضا مرسوم اخـلاق وشـهامه والـنبل معلوم مـثل الـنبي يمشي ماتهزه جبال * * * ملاك اوصف خياله والملاك ايهون والـزهره دلـيلي بطلعته مجنون اشـلون بهالملاك الماتشوفه عيون ريـت ابـداله انه بهالگبر مدفون ويـن الله الـينشِّف مدمعي السيال * * * يـاسيد رضـا يـامنهل الـعبره اتروح وداعت الله اتروح للزهره تـشچيها الـهظم ومناوب الغدره تـنخاها اتـحرسه لعمك تنصره واعيون الاعادي تنعمي بكل حال * * * يـاشان الشريف المخلص النيات ومـيخون الـعقيده ولايذل هيهات يـصبر عالزمان وعالظلم ميبات يـتحمَّل عـذابه ومـحنة النكبات ميمون النفس ياحيف غاب وشال * * *
|
