|
مات السيد اليشبه على الأكبر
مشبوحه العيون بذاكه نص الليل و مايرضه الجفن يغمض يحب يسهر ولـواطفي الـسراج وارخي جفني العين يوعِّيني حلمها وتِفز ماتگدر ومـابين الـعذاب وبين جرح الروح ويَّانه الزمن من يمشي يتعثر ولـن طـارش يجيني من الصبح ويجيب اخباره العليها الگلب يتفطر سـيِّل دمـعتك والـبس اهـدوم النوح مات السيد اليشبه علي الاكبر خـلي انعزي سيد صادق المظلوم ونبچي بدمع فگد الطود والمعبر مـات الرضا وماتت بسمة الامال ياچف الأعادي الگام يتجـَّسر يـاحيف الـزمان شگد رمانه اسـهام سددها علينه ومشى يتبختر كـل مـره سـهم يـرمينه بـالدلال والدلال دم ينزف على المنبر دولاب الـزمان ايـدور هـالدولاب هدَّم چم گلب ياحيف چم دمَّر نـاعور الـليالي اشـلون بـينه اتـدورتاخذ ماينه واتنشِّف المصدر احـا يـالزمان اشـبيك تـمشي اعكوس ماتگعد عدل بالدنيا لاتغتر مـثل مـمشاك ويه حسين دوم اتخون تمشي بالعكس ماتستحي وتفتر وتـحارب اهـل بـيت النبي والنور من بيت النبوه يشعشع ويزهر حـيف اهـل المكارم والشهامه تروح وخدود النشامه ادموع تتعفر الله يـساعد أمَّـه الـلي ابـنها يموت ويطيح العمود ويوگع المكْوَر الله يـساعـد الأم ضايـع إلها اثنين سيد محمد (1) وضنوته المشكَّر فـتشة عـين آل الـمصطفى المهيوب ياسيد رضا والرضا بي يفخر نـاخي الله وعـلي الـكرار هالمجروح تشفه علِّته واحلامه تتفسر يـاأروع حـديث الـذاعته الانـوار بـلسم للگلوب ونور عالمعبر اخـلاق الـنبوه بـطلعتك مـرسوم ويـاهيبة مـحمد ياعطر عنبر يـاكوثر مـحمد يـامَلك قـديِّس يـحتار الـقلم شـيوصِّف الكوثر ولـو عـيني تـشوفك تدري تتصور چنك بالشبه طلعة علي الاكبر مـن حـيث الـجمال وهيبة الصوره اشراقة بدر يامحله هالمنظر الله يـطشش اعـويله الـيطش اعيال اهل الدين ذوله وسادة المحشر مـن بـيت الـنبي هالبيت ماخذ طيب والصادق (2) البيها بنور يتفجر چف الـصابتك يـانبعة الاطـهار ريـت الله يـشلها وبـعد تتوذر
1- الامام الراحل آية الله العظمى السيد محمد الشيرازي (قدس سره) 2- المرجع الديني آية الله العظمى السيد صادق الشيرازي (دام عزه)
|
