|
الى السيد محمد رضا الشيرازي (قدس سره)
محتاجيك تـعَّبنه الدرب بس نحسب آلاهات ونتصبّر عليهن والصبر كلفه وكل مره تجينيه من الصديج اسهام ترمينه بصميم الگلب وتخوفه حـاچينه ودمـد ايدك يغالي وگوم فزعانين وانته الخايف اتعرفه مـانعرف طريق الوحشه نتخطاه محتاجيك وانته الأمل والوصفه حـاچينه وعـلينه لاتغض اجفان داوينه برمق من عينك الترفه طـبيب انت ومريض يدگ عليك الباب يتداوه اجاك وبيدك المشفه يـاشمعه بـدربنه اتـنور الـمكفوف ماتدري المحب اشَّايل بچفه شايل بيده روحه ومعتني بكل خوف طالب من جنابك عنه لاتجفه خَـلاَّنه الـزمان ابِّـين تـيارات تحمل كل حقدها عيونها الصلفه واگلـوب الرجال اشگد تشيل احقاد ماتحمل براءه وهمها تتشفه ويـن عيونك التحمل براءه وطيب وين انوارك الاسرارها اتكشفه يـاصادق زمـانك يـاتقي الـروح يل تحمل مودَّه بطيبة النطفه اشگد گلبك چبير شتحمل من اهموم ياعشگ العراق وياحزن طفه يـامعنى الامامه وصورة القديس ربك صنَّعك موهيچي مو صدفه گالـوا مـن اجـيت اتشيلك الاعناق زفَّوك بدموع النايحه اتذرفه واسـمعنه اجاك ايزورك العباس يوم الدفن حاضر چان ابو الكلفه والـمهدي يـوسدك عـالتراب اتنام نام بصفك وهوَّه بجرح نزفه
|
